பிராணா வயலட் சிகிச்சை முறையை தோற்றுவித்தவர் திரு. சிவா.P அவர்கள். இவர் 1961 ஆம் ஆண்டு மே மாதம் மலேசியா நாட்டின் செலாங்கர் மாகணத்தில் உள்ள படு அரங் என்ற ஊரில் எளிய நடுத்தர வர்க்க குடும்பத்தில் ஆறு குழந்தைகளில் ஒருவராக பிறந்தார்.
1986 ஆம் ஆண்டு மலேசியாவில் உள்ள மலேசிய பல்கலைக்கழகத்தில் “இயந்திர பொறியியலில்” இளங்கலை பட்டம் பெற்றார். மலேசியா நாட்டில் உள்ள கோலாலம்பூரில் சொந்த பொறியியல் ஸ்தாபனத்தை நடத்தி வருகிறார்.
ஏழை மக்களின் மருத்துவச் சுமையை குறைத்து அவர்களின் ஆரோக்கியத்தை மேம்படுத்த எளிய சிகிச்சை முறையை கண்டறிவதும், எய்ட்ஸ் நோயை குணப்படுத்த ஒரு வழியை கண்டறிவதும் அவரது ஆன்மிகத் தேடலாக இருந்தது.
இந்தோனேசியாவில் உள்ள போரோபுதூர், பிரம்பனன் மற்றும் யோக்யகர்த்தாவின் கண்டிகளுக்கும் பௌர்ணமி தோறும் தொடர்ந்து சென்று அவரது ஆன்மிக தேடலை பிரார்த்தனையாக வைத்தார். 2008ஆம் ஆண்டு ஜூலை மாதத்தில் 35வது பௌர்ணமி அன்று பிராணா சிகிச்சை முறையானது அங்குள்ள தலைமை ஆசான் மற்றும் அண்டவெளி உயிர்கள் (தேவதைகள்) மூலமாக தெய்வீக பரிசாக திரு. சிவா.P அவர்களுக்கு கொடுக்கப்பட்டது.
போரோபுதூர் ஒரே பெரிய ஸ்தூபியாக கட்டப்பட்டுள்ளது. வானில் இருந்து பார்த்தல் ‘ஸ்ரீ சக்கரம்” போன்ற ஒரு அண்டவெளி வடிவமாக காட்சி அளிக்கிறது. புராதன சின்னமான போரோபுதூரின் வான்வெளித் தோற்ற வடிவமே பிராணா சிகிச்சைக் கோலின் வடிவம்.
2010ஆம் ஆண்டு டிசம்பர் மாதம் வரையில் மொத்தம் 69 பௌர்ணமிக்கு அங்கு சென்றுள்ளார். திரு. சிவா.P அவர்கள் மலேசியா, சிங்கபூர், இந்தியா, ஸ்பெயின், அர்ஜென்டினா, உருகுவே, பர்மா, ரஷ்யா, அமெரிக்கா, கனடா, ஆஸ்திரேலியா, நியுசிலாந்து, ஜெர்மனி, இத்தாலி, போர்ச்சுகல், ஸ்ரீலங்கா, நேபாளம், திபெத், தாய்லாந்து, பெரு மற்றும் ஐக்கிய நாடுகளிலும் பிராணா சிகிச்சை வகுப்புகளை நடத்தியுள்ளார்.
பல நாட்டை சேர்ந்த பல சமூக பின்னணி கொண்ட பல தரப்பட்ட மக்களுக்கு பிராணா சிகிச்சை அளித்து குணமடைய செய்துள்ளார்.
